注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

如果°主角是我ˇ

 
 
 

日志

 
 
关于我

忽然..會喜歡上一些人..又會忽然..討厭一些人 總覺得 想像中的..永遠會比她本身的要美好 有時候,寧願對她的印象..只停留在初認識的那個時候

网易考拉推荐

一位过客与我的故事  

2010-09-12 15:42:30|  分类: 默认分类 |  标签: |举报 |字号 订阅

  下载LOFTER 我的照片书  |

本来,谂住又有一排都唔洗写嘢。。因为无乜好讲。但睇完杰佬一篇日志,令我谂翻起人生一段小插曲。。唔好讲

到人生咁大件事啦,就当佢系初中某段时间发生嘅小插曲啦。。

依段插曲,同初中班人毫无关联。喺初二朝早翻学嘅时候上演,佢嘅出现只系短短嘅一段时间。讲依件事之前,首

先要讲嘅系,或者好多人都觉得我好自恋,其实我又都真系几自恋。但自恋归自恋,自己靓唔靓仔就心知肚明啦。

不过自恋嘅人,会比较在乎其他人有无关注自己,无论果个人识唔识你。无错,依件事,可能同我自恋有关。可能

系我谂多咗都唔定。。

故事开始,初二某日嘅早晨,如常咁落楼,仲未行过海鹰大厦,离远就望到一个女生迎面行过。因为远......其实唔

远,因为近视,所以未睇清佢个样,但我已经FEEL到,佢系一个几靓嘅女生。唔好问,系男人嘅直觉。

我哋嘅距离越嚟越近,我唔敢直视佢,因为佢行路嘅气质,就已经产生强大嘅气场。。我无勇气。但我知道佢睇紧

我,我好肯定,其实依样嘢我谂个个都试过,之所以肯定,系因为果阵条街好少人,加上我不遗余力咁用余光注意

佢,所以我见到佢睇紧我。

时间过得好快,又好似好慢,我唔识点去形容。。直到佢行到我身边,我鼓足勇气,用眼斜视佢。。结果后悔了,

唔好笑住,并唔系因为佢唔靓,而系我中招了。就好似饮酒饮上脑咁。。我成身都热,行咗无见步,我忍唔住,回

头望佢。。背影都好迷人。。正当我把头转翻过嚟嘅时候,我见到佢转头过嚟望我。今次系我余光同佢余光嘅接

触,我已经无法形容依一切,果阵喜悦同兴奋。。。。我差D有种想晕嘅感觉(HIGH过咗龙)。但马上,又有一种

强烈嘅自责,因为学校里面,仲有一个人等紧我。。第朝早翻学,虽然我好期待再见到佢,但感觉有D唔同。。因

为我分清咗主次,我知道边个先系最重要。落到楼下,我又见到佢。。可能钟数早咗挂,同佢碰面嘅地点向前移

咗。今次因为做好咗觉悟,我唔怕同佢对视。当佢走近嘅时候,我直视咗佢。今次,我好清楚见到佢个样,佢含笑

咁望我。果一刻,我唔后悔,又好后悔。唔后悔,系因为我对自己嘅行为唔后悔。而后悔,系因为,我又一次分唔

清主次。又系喜悦又系痛苦。。但我知道我唔应该再望佢。我,根本就唔应该感到喜悦!

以后,几乎每朝嘅见面,我都努力避开佢,但有时定力唔够,始终都会同佢对望,每次佢都会对我笑,我又唔知点

解好自然咁回翻佢一个笑容,然后马上回避。。然而果种FEEL,一直都存在。。

我知道 ,再咁落去都唔系办法。

终于有一日,做咗一件好违背良心嘅事。。果日,我如常落楼,同佢如常相遇,我睇咗佢一眼,然后用好不屑,好

唔耐烦嘅表情,来回应佢可爱嘅笑容。我无再望佢,余光都无。因为我唔敢。

自从果日,佢无再望我,我响佢眼里面就好似成为咗透明人一样。。我好难受,我试过好肆无忌惮咁望佢,我想佢

可以俾一个反应我。但结果乜嘢都无,我忽然有种失恋嘅感觉。。其实我真系有D想走埋去同佢讲:你唔好咁啦。

但。。。。过客始终系过客,佢有佢要扮演嘅角色。就算我系主角,亦无权干涉。毕竟写剧本嘅人唔系我。

又过咗一段时间,佢消失咗,不过有时又偶尔见到佢出现。同样,喺翻学嘅时间,同样,佢当我透明人。

下一个学期,佢真真正正咁消失咗,永永远远咁离开咗我嘅世界。。完成咗佢过客嘅戏份。。

现在,一切已经无从考究。

唔系杰佬果句“熟悉的陌生人”都沟唔起我依段回忆。。所以要特别鸣谢杰佬。。依篇文章,永远记录咗我人生里面,

关于依个过客同我发生嘅故事。

  评论这张
 
阅读(64)| 评论(8)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017